Smt. K.G. Solanki Primary School

અમારું ધ્યેય

• દિકરીઓમા બાલ્યાવસ્થાથી જ શિક્ષણ પ્રત્યે રસ અને રુચિ કેળવવી.
• ગ્રામ્ય અને શહેરી વિસ્તારમાં દિકરી ઓ માટે પાયાના ધોરણથી મૂલ્યવર્તી શિક્ષણ આપવું.
• શિક્ષણ સાથે શિસ્ત,રાષ્ટ્રપ્રેમ,અને સ્વાશ્રયી જીવન જેવા ગુણોનું નિર્માણ કરવું.
• શિક્ષણ એ સમાજનું એવું ક્ષેત્ર છે કે જ્યાં કાર્યરત કર્મચારીએ મશીન સાથે નહીં પરંતુ જીવંત માનવી સાથે કામ કરવાનું છે આથી તમામ બાળકની શિક્ષણની ક્ષમતાઓ સમજણની શક્તિઓ તેમજ તેમની રસ અને રુચિને ધ્યાનમાં લઇ શિક્ષણ અપાય છે.

સંસ્થાનું કેન્દ્રવર્તી ધ્યેય સમાજમાં શિક્ષણનું સ્થાન મજબૂત બનાવવાનું છે. અમારા તમામ વિદ્યાર્થીઓ આધુનિક ટેકનોલોજીથી માહિતગાર થાય અને વર્તમાન ક્ષેત્રનું જ્ઞાન પ્રાપ્ત કરી શકે, તે માટે અમો સતત પ્રયત્નશીલ હોઈએ છીએ. પરંતુ આ સાથે ઇન્ટરનેટના માધ્યમથી સરળ રીતે પ્રાપ્ત બનતું શિક્ષણ અમારા વિદ્યાર્થીના વિકાસમાં અડચણરૂપ ન બની રહે તે માટે પણ અમે જાગૃત છીએ. આથી અમારી શિક્ષણ ની કાર્યશૈલી પ્રત્યક્ષ શિક્ષણ ઉપર વધારે ગુણભાર આપતી પદ્ધતિઓ દ્વારા ઘડવામાં આવેલી છે. બાલ્યાવસ્થામાં શિક્ષણ દ્વારા કેળવવામાં આવેલા સંસ્કાર, સદ્ વિચાર અને સમજણ થી જ સુદ્રઢ વ્યકિતત્વ નું નિર્માણ થતું હોય છે.દીકરીઓનો અભ્યાસ સાથે સાથે જ અનુશાસિત સર્વાંગી વિકાસ એ અમારી સંસ્થાનું મુખ્ય ધ્યેય છે.

અમારાં હેતુ

શિક્ષણના ક્ષેત્રમાં આવતા દરેક નવા પરિવર્તનોથી લઈ અને તમામ સરકારી આયોજનને અનુસરી સંસ્થા ને શૈક્ષણિક સ્તર પર ઉચ્ચતમ સ્થાન પર પહોંચાડવી એ અમારૂ ઘ્યેય છે. આ સાથે સમાજની દરેક દિકરીઓને પાયા થી જ ગુણવત્તા ભર્યું સર્વાંગી શિક્ષણ મળી રહે એ માટે હર હંમેશ તત્પર છીએ.